जिथं बहुतेक मुली दहावीच्या पुढे शिकत नाहीत आणि अत्यंत कमी वयात मुलींची लग्नं होतात….तिथं प्रियंका एक आदर्श ठरतेय. लहानपणापासून तिच्या मामांनी तिच्यावर चांगले संस्कार केलेआणि किशोरी विकास प्रकल्पात व्यक्तिमत्व विकास होत गेला. दहावीला ८६ टक्के मार्क्स घेत प्रियंका आता पदवी पूर्ण करतेय. किशोरी प्रकल्पातच कराटेची गोडी लागली आणि निरनिराळ्या स्पर्धांतून तब्बल ७० पदकांची कमाई तिनं आजवर केलीय! त्याबरोबरच किशोरवय आणि आरोग्यभान या बद्दल मुलींना समुपदेशन करणारी एक जबाबदार कार्यकर्ती देखील ती बनलीय. Minex Foundation च्या सहकार्यानं सावित्रीबाई फुले मंडळ २० गावं आणि २० शहरी वस्त्यांतून ५००० किशोरींसोबत काम करतंय. योग्य वेळी प्रकल्पाची साथ आणि समुपदेशन यामुळं प्रियंकासारख्या किशोरींना व्यक्तिमत्व विकासाच्या अनेक संधी मिळाल्यात.