“नववधु प्रिया मी बावरते..”पण आमचा तेजस्विनी प्रकल्प आहे ना! त्यामुळं नववधू- वरांना; विशेषत: उपेक्षित वस्त्यांतील; चिंता करायचं कारण नाही! नियमितपणे होणाऱ्या या अफलातून ‘नवदाम्पत्य कौतुक सोहळा’ उपक्रमाचे दूरगामी सांस्कृतिक व सामाजिक परिणाम आता दिसताहेत. अत्यंत सुनियोजित पद्धतीने दरवर्षी ५०० नवविवाहित जोडप्यांना सावित्रीबाई फुले मंडळा तर्फे सन्मानाने आमंत्रित केलं जातं. त्यांनी छान नटून थटून यावे हा आग्रह असतो. केन्द्रावरील डाॅक्टर पतीपत्नी सोबत गोडधोड खायचं, उखाणे घ्यायचे, मिरवायचे, लाजायचे… कुटूंबासारखी मजा करायची. पण सोबतच अनेक विषय शिकायचे. – वैवाहिक संबंध जोपासायचे कसे?- प्रजनन आरोग्याची माहिती. – कुटूंब नियोजनाचे महत्व- नाती टिकवायची कशी?.. आणि अजून बरेच काही!या सर्व जोडप्यांना भावी आयुष्यासाठी शुभेच्छा !!